Şəki Azərbaycanın ən qədim şəhərlərindən biri olub,təxminən 2700 il bundan əvvəl əsası qoyulub. Şəhər öz tarixi abidələrini və şəhərin tərtibatını yaxşı vəziyyətdə qoruyub saxlaya bilib. Onun adı Azərbaycanın ərazisində E.Ə VII əsrdə peyda olub və şəhərin adının meydana gəlməsi bu ərazidə uzun müddət yaşayan "Sak" tayfalarının adından götürülüb.

Azərbaycan bir sıra görkəmli nümayəndələri Şəkidə yaşayıb yaratmışlar. Onların arasında M.F.Axundov, Aşıq Molla Cümə, Rəşidbəy Əfəndiyev, Salman Mümtaz, Hacı Həsən Mollazadə, Bəxtiyar Vahabzadə, Sabit Rəhman, Hikmət Ziya, Abduləzzəl Dəmirçizadə, Zülfüqar Zülfüqarzadə, Şəfiqə xanım Axundova, Mahmud İsmayılov, Əsgər Eyyubov, Əlövsət Sadıqov, Şəkili Ələskər, Rasim Ocaqov, Lütfəli Abdullayev, Emin Sabitoğlu, İsmayıl Osmanlı kimi elm, incəsənət xadimlərini misal göstərmək olar.